رواية ” نقاب زينب ”
“بخوف”- حاضر حاضر قايمة أهو والله نمت غصب عني.
-طب قومي ياختي روقي البيت خطيبك جاي إنهاردة.
” عيوني د..معت” – حاضر هقوم والله.
“خطيبي هه خطيبي اللي مبطيقهوش أصلًا ومخطوباله غصب، بدعي كُل يوم إن ربنا يخلصني منــ..ــه، إنسان مريض،
ميعرفش يعني إيه احترام ميعرفش يعني إيه ربنا أصلًا”
“قو..مت عشان أروق لقيت تلفوني بيرن أخدته ولقيته خطيبي، ايدي أتهزت برهبة بس تمالكت نفسي ورديت”
“بخوف”- والله ماسمعته كنت بروق البيت والله.
-خلاص بعد كده يبقا حطي الزفت جنبك.
-حاضر.
-أنا جاي النهاردة عشان وحــ..ــشتيني.
-لو سمحت ياريت متتكلمش بالطريقة دي أنا قولتلك اننا لازم نلتزم بضوابط الخطوبة.
– ضوابط إيه؟ مفيش الكلام ده ويلا بقا سلام ياحلوة.
” قفل في وشي قعدت ع الأرض وعيني بد..مع، أنا مكرهتش في حياتي قده، دايمًا بيقلل مني وبيهنّي،
وأنا مقدرش أتكلم لأني لو أتكلمت بيشتكي لبابا وبيجي يضــ..ــربني،
وامي بتكمل عليا لما يمشي لأن بابا وماما منفصلين، أحيانًا بقول ياريتني ماجيت علىٰ الدنيا
“قو..مت وأنا جوايا كمية حُزن تكفي العالم كله، روقت الشقة ولبــ..ــست عشان أروح الدرس
لأني في تالتة ثانوي يعني ضغط غير معقول من الدراسة ومن البيت، بس الحمدلله علىٰ كل حال”
-ماما أنا رايحة الدرس.
